Դիսպանսերում աշխատում են բարձրակարգ մասնագետի հավաստագիր  ունեցող 41 բժիշկներ`  ֆթիզիատորներ, նեղ մասնագետներ, օժանդակ հետազոտություններ իրականացնող հմուտ մասնագետներ, բժիշկ-լաբորանտներ:

Դիսպանսերում աշխատում են բարձրակարգ մասնագետի հավաստագիր  ունեցող   41 բժիշկներ`  ֆթիզիատորներ, նեղ մասնագետներ, բժիշկ-լաբորանտներ: ՀՀՏԴ-ի աշխատանքները տնօրինում է բժշկական գիտությունների դոկտոր, պրոֆեսոր Մ.Դ.  Սաֆարյանը, որը  նաև  ԵՊԲՀ-ի  ֆթիզիապուլմոնոլոգիայի  ամբիոնի  վարիչն է:    Մ. Դ. Սաֆարյանը  դոկտորական  ատենախոսությունը պաշտպանել  է  1992թ.  Մոսկվայում` Տուբերկուլոզի կենտրոնական ԳՀՀ-ում: 1995թ. ղեկավարում է Երևանի Մ.  Հերացու անվան պետական բժշկական  համալսարանի ֆթիզիապուլմոնոլոգիայի ամբիոնը: 1996թ.  նրա ջանքերով և նախաձեռնությամբ Հայաստանի հանրապետությունում ներդրվեց տուբերկուլոզի դեմ պայքարի DOTS ռազմավարությունը: Պրոֆ. Մ. Դ. Սաֆարյանը հեղինակն է բազմաթիվ մենագրությունների և գիտական աշխատությունների: Նրա ղեկավարությամբ պաշտպանվել են 6 թեկնածուական ատենախոսություններ:

Գիտական աստիճան ունեն ՀՀՏԴ-ի և Երևանի  Մ. Հերացու անվան պետական բժշկական  համալսարանի ֆթիզիապուլմոնոլոգիայի  ամբիոնի մի շարք աշխատակիցներ, այդ թվում`  պրոֆեսոր Լ.Պ. Ստամբոլցյանը, հինգ դոցենտները  (Է.Ի. Գասպարյան,  Լ.Թ.Նիկոլայան,  Մ.Ա.Սարգսյան,  Գ.Ռ. Մինասյան, Ն.Ռ. Բեգլարյան) և բժշկական գիտությունների հինգ թեկնածուները (Լ.Մ.  Եղիազարյան, Ա.Պ. Գևորգյան, Գ.Բ. Առաքելովա,  Լ.Ս. Գևորգյան,  Վ.Մ. Ճարտարյան):

ՀՏԴ-ի փորձառու մասնագետներն իրենց խորհրդատվությամբ գործուն աջակցություն են ցուցաբերում հանրապետության և Արցախի բազմաթիվ բժշկական կենտրոններին: